Nuk është kurrë vonë për të performuar në Oskar, veçanërisht për një fitues si Eminem.
Reperi shokoi njerëzit në Teatrin Dolby dhe miliona njerëz në shtëpi kur u ngjit në skenë duke performuar “Lose Yourself”.
Eminem 17 vite më parë fitoi çmimin “Kënga më e mirë origjinale”. “Lose yourself” ishte kolona zanore e filmit “8 Mile” të vitit 2002.
Barbra Streisand shpalli reperin fitues të Oskar në vitin 2003 por Eminem nuk mori pjesë në ceremoni për të marrë trofeun e tij.
Në një intervistë në atë kohë, ai tha se nuk mori pjesë për shkak se mendoi që nuk kishte ndonjë shans për të fituar.
Performanca e tij këtë vit në ceremoninë e ndarjes së çmimeve ishte e paparalajmëruar dhe të gjithë mbetën me gojë hapur.
Ky ishte padyshim një nga momentet më emocionuese të mbrëmjes.
Fituesi 15 herë i Grammy u duartrokit dhe brohorit nga e gjithë turma, përfshirë edhe aktoret Zazie Beetz, Kelly Marie Tran dhe Janelle Monae.
Ndërsa kur mbaroi performancën të gjithë u ngritën në këmbë për ta mbështetur.
“Shiko, sikur të kishe një goditje tjetër, një mundësi tjetër … Faleminderit që më the mundësinë Akademia. Më falni që m’u desh 18 vite për të mbërritur këtu,- shkruajti në median sociale Eminem. “Lose Yourself”, pjesë e filmit “8 Mile”, fitoi çmimin “Academy 2003” për këngën më të mirë origjinale, por reperi nuk mori pjesë në ceremoninë e atij viti.
g.kosovari
