Një grabitje e armatosur ka ndodhur në një dyqan bizhuterish të markës luksoze Bulgari, në Paris.
Grabitje ka ndodhur në mes të ditës, më datë 29 prill, ndërkohë që këtë të hënë janë publikuar dhe pamjet e grabitjes të filmuara nga kalimtarët në rrugë.
Dyqani i bizhuterive luksoze ndodhet në Place Vendome në qendër të Parisit, ku tre persona që lëviznin me dy motoçikleta hynë në dyqan në zonën e njohur turistike rreth orës 13:45 të së shtunës.
Shkalla e dëmit dhe vlera e bizhuterive që ata morën është ende duke u vlerësuar nga ekspertët.
Videoja e postuar në rrjete sociale tregon dy motoçikleta të mëdha, të zeza, të parkuara në trotuarin përpara dyqanit të bizhuterive.
Një burrë me helmetë i armatosur dhe i veshur me rroba të zeza shihet duke qëndruar roje.
Më vonë, nga dyqani i bizhuterive dalin dhe dy grabitësit e tjerë që mbajnë dhe çantat me bizhuteritë e vjedhura.
I njëjti dyqan Bulgari u vu në shënjestër edhe të një grabitje të armatosur në shtator të vitit 2021, dëmi i së cilës u vlerësua në 10 milionë euro.
Një hetim për grabitje të armatosur është hapur, tha zyra e prokurorit të Parisit.
/s.f
