MADRID-Policia spanjolle ka goditur një bandë shqiptare që akuzohet se ka realizuar mbi 50 grabitje banesash dhe biznesesh në disa qytete. E ndërsa mediat spanjolle publikojnë pamjet nga disa grabitje, policia njofton se ka arrestuar tre shqiptarë të moshës nga 24 deri në 27 vjeç në kuadër të operacionit ‘Dajt’.
Identiteti i tyre nuk bëhet i ditur, ndërsa publikohet pamjet e momentit kur janë arrestuar nga policia spanjolle. Ata thyenin dyert dhe dritaret, ndërsa më pas futeshin brenda duke grabitur sende me vlerë dhe gjithçka gjenin.
Në pamjet e publikuara nga kamerat e sigurisë së banesave dhe bizneseve, shqiptarët shfaqen mjaft të dhunshëm, ndërsa më pas largoheshin me makina dhe motorë të vjedhur. Ndërkohë që pas denoncimeve të shumë familjeve ata ranë në prangat e policisë.
a.ç
