Edhe Parlamenti Evropian do të jetë prezent në protestën e 17 Majit që do të organizohet në Shkup, fill pas aksionit policor në zonën e banuar nga shqiptarët në Kumanovë. Është eurodeputeti Knut Fleckenstein i cili përmes një video mesazhi të publikuar në faqen e tij në Facebook, thekson se do të jetë në protestë kundër çdo akti dhune apo çdo lloj forme të terrorizmit.
Siç thekson eurodeputeti Maqedonia duhet të rikthehet në rrugën e duhur atë të demokracisë, dhe mbi të gjitha të respektojë liritë dhe të drejtat e komuniteve.
Por një shqiptar ndjekës i tij, komenton poshtë video mesazhit, duke shprehur shqetësimin se qeveria është fajtore për situatën e krijuar në Kumanovë, duke i kërkuar Bashkimit Evropian që të ndërhyjë.
Dhe përgjigja e Fleckenstein është e qartë duke nënvizuar: “Unë nuk di çdo gjë për situatën, por di shumë. Dhe nuk e përcaktova se kush janë terroristët në këtë konflikt, por nuk duhen ndjekur ata që kërkojnë një katastrofë etnike!”
Diesen Sonntag werde ich unsere sozialdemokratischen Freunde in Skopje (Mazedonien) auf einer großen Kundgebung unterstützen: This Sunday I am travelling to Skopje (FYROM) to support our socialdemocratic friends at a major manifestation:
Posted by Knut Fleckenstein on Wednesday, May 13, 2015
