Sevilla ka shkatërruar Fiorentinën në gjysmëfinale, ndërsa Dnipro ka bërë surprizën duke eleminuar Napolin.
Skuadra spanjolle, Sevilla, ka arritur që me lehtësi të shënojë sërish fitore kundër Fiorentinës edhe në sfidën e dytë, pavarësisht se luante në fushën e këtyre të fundit.
Carlos Bacca (22’) dhe Daniel Carrico (27’) realizuan golat e kësaj fitoreje për Sevillan, e cila shkon tutje me rezultat të përgjithshëm 5:0.
Në finale të Ligës së Evropës kaloi edhe Dnipro, skuadër e cila befasoi Napolin. Ukrainasit shënuan fitore 1:0 në sfidën e kthimit kundër italianëve, duke kaluar në finale me rezultat të përgjithshëm 2:1.
Yevhen Seleznyov (58’) shënoi golin e vetëm dhe të fitores për Dnipron në këtë sfidë.
