Janë trishtuese pamjet e publikuara në mediat e huaja, brenda spitaleve në Itali, ku mjekët duken të veshur si astronautë dhe pacientët me “kokore” në kokë, në përpjekje për të marrë frymë.
“Daily Mail” ka publikuar sot një video, të tmerrshme mund të thuash, e kapur benda reaminacionit në Bergamo, aty ku janë shtruar të sëmurët me koronavirus.
Këto pamje do t’ju mbeten gjatë në mendje, pasi gjendja e të prekurve duket e rëndë. Ata mezi marrin frymë brenda aparaturave, ndërsa mjekët vrapojnë sa te njëri, sa të tjeri.
Këtu zhvillohet lufta e vërtetë, këta janë ushtarët e vijës së parë që po zhvillojnë betejën me armikun e përbashkët koronavirusin.
E pavarësisht kësaj lufte, një dritë jeshile nuk është ndezur ende për Italinë. Rezultatet pozitive të uljes së numrit të të prekurve, nuk kanë ardhur ende.
Ndërsa sipas Sky News, fluksi i pacientëve në urgjencë është një “konstante absolute” dhe pandemia është një “emergjencë katastrofike” e cila është “jashtë kontrollit”.
Dr Roberto Cosentini i tha Sky Neës se Covid-19 nuk është si gripi i zakonshëm, duke thënë: “Jo, është krejtësisht tjetër gjë. Më shumë pneumoni sesa grip … është një pneumoni shumë e rëndë dhe kështu është një shkaterrim masiv për çdo sistem shëndetësor”.
