Policia çeke publikoi pamjet e arrestimit të një personi të dyshuar për të cilin thonë se pranoi se ishte “frymëzuar” nga agresori i Pragës, David Kozak, dhe “dëshironte të blinte një armë dhe gjithashtu të vriste”.
Sipas mediave të huaja ky arrestim vjen pas masave të marra për rritjen e sigurisë në institucionet arsimore dhe objektiva të tjera të mundshme pas sulmit tragjik që tronditi Pragën dje.
“Dje në orën 11 e gjysmë telefonuesi na tha se ishte frymëzuar nga vrasësi, se donte të blinte një armë dhe gjithashtu të vriste”, shkroi policia çeke në një postim në X.
Videoja e publikuar shfaq oficerë të armatosur që ngjiten në shkallët e një pallati përpara se të shkallmojnë derën dhe të hyjnë në një banesë teksa bërtisnin. Ndërkohë, kryeministri çek Petr Fiala tha se e shtuna do të jetë një ditë zie kombëtare për viktimat e të shtënave në Pragë, sipas Sky News.
Ministri i Brendshëm Vit Rakusan tha se policia punoi gjatë natës dhe të 14 personat që vdiqën në sulm janë identifikuar. Ministria e Jashtme çeke tha se tre nga të plagosurit ishin të huaj, dy nga Emiratet e Bashkuara Arabe dhe një nga Holanda./m.j
Včera o půl jedenácté nám volající sdělil, že se inspiroval střelcem, chce si pořídit zbraň a také zabíjet. Po několika hodinách byl ztotožněn a níže máte video z jeho zadržení. Úkony stále probíhají, zatím kvalifikováno jako šíření poplašné zprávy. #policiepha https://t.co/5krNELkg7v pic.twitter.com/AgwWHnfDK1
— Policie ČR (@PolicieCZ) December 22, 2023
