Një spektakël takimesh në internet duket se i ka dhënë Drake mundësinë të njohë një vajzë që përputhet me preferencat e tij romantike. Reperi ishte pjesë e eventit përmes një transmetimi të drejtpërdrejtë.
Në livestream-in e zhvilluar të shtunën, ai u njoh me streamer-en Pinkchyu, e cila u prezantua me një paraqitje të stilit “goth”.
Komunikimi mes tyre filloi normalisht, por situata ndryshoi kur Drake, duke flirtuar, deklaroi se ishte i gatshëm të realizonte çdo kërkesë të saj.
Pinkchyu e vuri menjëherë në provë, duke e pyetur: “Do të lehësh për mua?”.
Reperi e pranoi pa u menduar gjatë dhe lehu disa herë si qen, moment që shkaktoi të qeshura gjatë transmetimit.
Kur eventi i takimeve arriti në fund, Drake vendosi të zgjidhte Pinkchyu-n përpara dy konkurrenteve të tjera.
Megjithatë, surprizat vazhduan edhe pas përzgjedhjes. Reperi i premtoi streamer-es se do t’i blinte gjithçka që ajo dëshironte. E befasuar, Pinkchyu e pyeti nëse oferta përfshinte edhe blerjen e një shtëpie për nënën e saj.
“Po, do të më pëlqente”, ishte përgjigjja e Drake.
Pasi spektakli përfundoi, Pinkchyu shkroi në platformën sociale X se ajo ishte “goth baddie” e eventit.
Tërheqja e Drake ndaj femrave me pamje “goth” ishte bërë e ditur edhe më herët. Gjatë një interviste të vitit 2025 me Bobbi Althoff, reperi kishte thënë se e imagjinonte partneren ideale me stil alternativ, paraqitje goth dhe shumë tatuazhe.
Në të njëjtën intervistë, ai kishte theksuar se do të preferonte gjithashtu një partnere me personalitet argëtues dhe sens të madh humori.
Në këtë spektakël online, Drake duket se gjeti një vajzë që i afrohej profilit të përshkruar prej tij. Flirtimi mes tyre u shoqërua edhe me momentin e pazakontë të lehjes, videoja e të cilit tashmë po qarkullon në rrjetet sociale.
