Zjarrfikësit vazhduan të luftojnë me një zjarr të madh që po përhapet me shpejtësi në Spanjën jugperëndimore, duke detyruar evakuimin e rreth 800 personave për shkak të erërave që ndryshojnë dhe terrenit të vështirë, thanë autoritetet rajonale.
Më shumë se 600 zjarrfikës dhe 26 avionë janë të përfshirë në operacionin për të shuar zjarrin pyjor, i cili shpërtheu javën e kaluar në provincën e Huelvës në Andaluzi, tha këshilltari rajonal i emergjencave Antonio Sant.
“Ne përballemi me një zjarr jashtëzakonisht të vështirë, kompleks dhe të rrezikshëm me kushte moti që nuk na lënë vend për asnjë pushim. Kjo është një garë qëndrueshmërie plot pengesa”, theksoi ai.
“Duhet të jemi realistë: asgjë nuk tregon se zjarri do të vihet nën kontroll së shpejti. Na kanë mbetur ende orë, ndoshta ditë, punë intensive”, paralajmëroi zyrtari spanjoll.
Vídeo | El incendio de Niebla (Huelva) ya recorre 8.000 hectáreas https://t.co/Jvrf3JuzW9 pic.twitter.com/GQbPVye0Vw
— EL PAÍS (@el_pais) August 9, 2026
Zjarrfikësit punuan gjatë gjithë natës nga e diela deri të hënën, duke krijuar zona për shuarjen e zjarreve, por terreni i vështirë dhe kushtet e motit ngadalësuan përparimin e tyre, sipas autoriteteve.
Më shumë se 200,000 hektarë tokë janë aktualisht të rrethuar nga flakët. Ky numër korrespondon me zonën e kufizuar nga vija e zjarrit dhe nuk do të thotë se e gjithë kjo sipërfaqe është djegur, sipas të njëjtit burim.
Sot, 300 banorët e fshatit të vogël El Madrono u evakuuan nga shtëpitë e tyre, duke e çuar numrin e përgjithshëm të njerëzve të detyruar të braktisin shtëpitë e tyre për shkak të zjarrit në 800 vetë.
ÚLTIMA HORA | Incendio #IFNiebla (Huelva)
⚠️ Desalojo de localidad del Madroño (#Sevilla) que limita con la localidad de Niebla (#Huelva), debido al incendio forestal
Máxima precaución y atención únicamente a los canales oficiales. #IncendiosForestales pic.twitter.com/qYN9aVlyVw
— Guardia Civil (@guardiacivil) August 10, 2026
