Është vënë në pranga edhe autori i ngjarjes, shtetasi Ragip Gila, i cili tentoi të arratisej në zonën periferike të njohur si “shinat e trenit” në Shkodër, por u vu në pranga nga policia dhe iu sekuestrua edhe një armë zjarri automatike.
News24 ka siguruar pamje nga arrestimi i autorit të atentatit të ndodhur pak më parë në Shkodër, ku humbën jetën 2 persona dhe u plagosën dy të tjerë.
Në pamje, duket ndjekja e tij nga efektivët, ndërkohë që është kapur dhe momenti kur autori Rakip Gila është prangosur.
Një atentat me armë zjarri tronditi Shkodrën mëngjesin e sotëm, ku në një lokal pranë shkollës “Kolë Idromeno”, u vranë dy persona dhe dy të tjerë mbetën të plagosur.
Siç shihet edhe nga pamjet, të lënduarit janë transportuar me urgjencë në spital, ndërsa në vendngjarje humbi jetën Armando Pali, punonjësit i IKMT-së.
Viktimë e dytë e këtij atentati mbeti 31-vjeçari Liridon Kraja (Lushi), i cili ndërroi jetë prej plagëve të marra në spital.
Ndërkohë, të plagosur mbetën Erogen Vaso (Brajoviq), vëllai i të arrestuarit Denis Brajoviç dhe kamerierja e lokalit, Meri Kaceri, të cilët po marrin ndihmë mjekësore.
