Në Hungari ndodhin çudira. Në ndeshjen e javës së 30-të ndërmjet Gyor dhe Nyiregyhaza, është regjistruar një episod që po bën xhiron e botës. Në minutën e 86-të, pas një sulmi të vendasve, tre futbollistë të Nyiregyhaza kanë përfunduar në tokë. Zamostoni, i cili shënoi golin e vetëm të ndeshjes, mori një pasim të bukur, por dy nga lojtarët e kundërshtarëve u përplasën mes tyre, ndërkohë që një tjetër kishte një problem fizik.
Futbollistët e Gyor respektuan rregulloren duke ndaluar lojën. Pas ndihmës mjekësore, në fakt të tre lojtarëve vijuan rregullisht lojën deri në fund. /Koha Jonë/ma.me
