Teksa nuk është bërë as një javë nga aksidenti tragjik në Tiranë, ku ndërruan jetë 3 të rinj, duket se shpejtësia e madhe është kthyer në trend në rrjetet sociale.
Video të tilla vazhdojnë dhe publikohen në rrjetet sociale teksa promovohen me mburrje.
Në një video të postuar në rrjetin social TikTok, dy reperët Kleviol Ahmeti dhe Aleks Visha shfaqen duke ngarë makinën me mbi 300 kilometra në orë. E gjithë skena ka ndodhur nga tuneli i rrugës së Kombit në Kukës, ku automjeti me të cilin reperët udhëtojnë rrezikoi të aksidentohej me një mjet tjetër që po i respektonte rregullat e qarkullit.
“O lali, na vrave. Bravo!,”-dëgjohet në video.
Video është publikuar nga vetë protagonistët, të cilët ndiqen masivisht nga grupmoshat e reja, ndëkohë që nga ngjarja e fundit të gjithë po mundohen që të sensibilizojnë të rinjtë që të mos i thyejnë rregullat e qarkullimit rrugor me synim marrjen e klikimeve.
View this post on Instagram
/s.f
