Atalanta e Etrit Berishës vazhdon të bëjë mirë në kampionat. Në javën e nëntë të Serisë A, ekipi nga Bergamo fitoi 2-1 në shtëpi ndaj Interit.
Të zotët e shtëpisë gjetën golin me mbrojtësin Mazielo që në minutën e dhjetë dhe e ruajtën epërsinë në pjesën e parë përballë një kundërshtari që nuk u shfaq asnjëherë i rrezikshëm në portën e Berishës.
Por “gardiani” shqiptar nuk mundi të bënte dot asgjë në minutën e 51-të, Kur Eder e mposhti me një të djathtë spektakolare nga rreth 30 metra.
Megjithatë portieri i Kombëtares kuqezi u shfaq vendimtar në disa raste të tjera, duke e mbajtur në lojë skuadrën vendase. Ai u vlerësua me notën 6 nga mediat italiane.
Dy minuta para fundit të kohës së rregullt, zëvendësuesi Pinija shënoi golin e fitores duke shndërruar në gol një penallti të fituar nga Kesie që u pengua në zonë nga Santoni.
Suksesi i tretë në katër ndeshjet e fundit e katapulton Atalantën në vendin e tetë me 13 pikë, kurse për Interin kjo është disfata e tretë radhazi dhe tashmë skuadra e De Burit zbret e 13-ta në kuotën 11./panorama/a.k
