Shërbimi shëndetësor është një ndër sektorët më problematikë në Shqipëri. Megjithëse gjatë këtyre 25 vjetëve qeveritë e ndryshme janë përpjekur të bëjnë një sërë reformash, ankesat për cilësinë e shërbimit vazhdojnë të jenë të mëdha.
Në një intervistë për Zërin e e Amerikës, Ministri shqiptar i Shëndetësisë, zoti Ilir Beqaj tha se pavarësishtë vështirësive të shumta, cilësia dhe volumi i shërbimeve mjekësore ka shënuar një përparim në tre vitet e fundit.
“Në ende kemi mungesa në spitale, por këto dy vjet në spitalet tona ofrohet shumë më tepër volum të kujdesit shëndetësor. Sot jemi në drejtimin e duhur, pasi për shembull një radhë pritje nga dy muaj, sot është dy javë. Mungesa e ilaçeve ekziston, por gjithmonë e më pak. Eshtë i ndjeshëm sidomos në ato sëmundje të rënda ku dhe barnat janë më të kushtueshme. Sot shqiptarët shpenzojnë 70 milionë euro më pas së në 2013-ën. Ka një agjenci që merret me kontrollin e cilësisë së barnave.”- deklaroi ministri Beqaj.
