Ky është momenti kur një vajzë e vogël që kishte mbetur vetëm në apartament në një qytet në Kinë, ngec në platformën e kondicionerit në një lartësi prej 10 metra.
Fatmirësisht ajo u shpëtua në momentet më kritikë falë dy kalimtarëve të guximshëm.
Në pamjet filmike do të shikoni dy burra të cilët nuk hezitojnë që të ngjiten nëpër ballkonet e apartamenteve për ta shpëtuar vogëlushen që rrezikohej të binte në tokë.
Ngjarja ka ndodhur në qytetin Xinzhuang në pjesën lindore të Kinës, kur vajza e identifikuar si Xing Xing, ishte tërësisht e zhveshur në momentin që po qëndronte pothuajse e varur mbi platformën e kondicionerit.
Babai i vogëlushes Xing Xing ka deklaruar për mediat kineze se në ato momente ishte në fakt në shtëpi duke fjetur, kurse gruaja e tij në punë.
