Një tjetër rast i një shoferi të papërgjegjshëm është publikuar në rrjetet sociale. Bëhet fjalë për një “shofer” që nget një makinë tip “audi”, dhe udhëton me një shpejtësi mbi 130 km/ në aksin Tiranë-Durrës, ku shpejtësia maksimale e lejuar është 90 km/h.
Sikur të mos mjaftonte kjo, shoferi në fjalë kryen një tjetër shkelje të rëndë duke iu ngjitur nga pas një furgoni policie që po ashtu udhëton në këtë aks, dhe nuk ruan asnjë distancë siguria. Prej disa metrash “audi” nuk i ndahet policisë saqë e detyron të ndërrojë korsinë, ndërsa shpejtësia vijon të rritet.
Kujtojmë se në Shqipëri shkaku kryesor i aksidenteve sipas statistikave është shpejtësia ndërsa më pas vjen shkeljet në rrugë si ajo e parakalimit të gabuar apo e mos respektimit të distancës./m.j
KLIKO KËTU për videon
