Një 23 vjeçar shqiptar është vrarë në mes të qytetit të Barit mbrëmjen e së mërkurës. Viktima është shtetasi i identifikuar si Viktorian Pikaku.
Sipas mediave vendase ngjarja e rëndë ka ndodhur në sheshin ‘Abbazia’ në Corato, ndërsa ka pasur edhe shumë dëshmitarë që panë krimin.
Mësohet se dy persona me motor i kanë shkuar pas shpine të riut shqiptar duke e qëlluar për vdekje.
Ambulanca arriti menjëherë në vendngjarje, por 23-vjeçari nuk ka mbijetuar nga plagët e rënda në kokë.
Policia ka nisur hetimet për incidentin. Plumbat qëlluan 23-vjeçarin në kokë dhe mushkëri.
Policia ka shpallur në kërkim vrasësit me motor ‘Scoter’./a.m.
