37 autoambulanca moderne i janë shtuar flotës së Urgjencës Mjekësore, duke mundësuar edhe shkurtimin e kohës së pritjes për marrjen e ndihmës së parë.
Falë aparaturave moderne të instaluara në autoambulanca, qytetarët marrin shërbim cilësor dhe ndihmën e shpejtë në vetëm 15 minuta për qarkun e Tiranës.
Kryeministri Edi Rama shprehet se është bërë progresi i madh me shëndetësinë.
“Mirëmëngjes dhe me vetëdijen se patjetër ka yhy sa shumë akoma për të bërë, por me bindjen se kush ka sy për të parë dhe mend për t’u kujtuar nga u nisëm, as që mund ta diskutojë se çfarë progresi i madh është bërë deri këtu me shëndetësinë, ju uroj një javë të mbarë”, thekson Rama.
Drejtori i Urgjencës Kombëtare, Skënder Brataj, u shpreh se “të gjitha thirrjet për ndihmë mjekësorë nga e gjithë Republika e Shqipërisë, vijnë në këtë njësi koordinimi. Por, gjëja më e rëndësishme është që shtimi i autoambulancave në vendndodhjet që ato u shpërndanë, na krijoi mundësinë e shkurtimit të kohës akoma më shumë”.
Për qarkun e Tiranës, koha e mbërritjes është 15 minuta, pra një përmirësim i kohës së mbërritjes tek qytetari.
Sipas Brataj, e njëjta strategji po aplikohet në të gjithë Shqipërinë.
g.kosovari
