Një aksident i rëndë ndodhi në Vlorë. Në të u përfshinë katër makina dhe një person mbeti i plagosur rëndë. ABC News ka siguruar videon e kësaj ngjarjeje. Janë pamjet e një aksidenti të frikshëm në Vlorë. Ngjarja ka ndodhur të dielën, por ABC News siguroi videon nga një kamer sigurie.
Katër makina u përfshinë në ngjarje, dhe një person u plagos rëndë. Siç shikoni dhe nga pamjet, aksidenti ndodhi në një prej rrethrrotullimeve në rrugën transballkanike. BMV- ja e zezë me shpejtësi të madhe goditi tri makina të tjera, një Renault dhe dy benza.
Në këtë moment në trotuar ishte duke kaluar dhe një grua, së cilës makina i kaloi sipër, por për fat shpëtoi. Fillimisht BMV u përplas me bordurën dhe doli nga rruga. Ajo fluturoi sipër makinave të parkuara dhe përfundoi e përmbysur. Drejtuesi u dëmtua keq, por është jashtë rrezikut për jetën. /ma.me
