12 të vdekur është bilanci i një aksidenti shumë të rëndë rrugor të ndodhur në provincën e Hatay në Turqi, ndërkohë që numri i të lënduarve është 31. Ngjarja ka ndodhur orët e para të mëngjesit të sotëm kur një kamion ka dalë nga rruga dhe dhe më pas është përplasur më dhjetëra makina që ndodheshin në radhë pranë një pike karburanti. Përplasja e fuqishme bëri që vetë kamioni por edhe disa nga mjetet, përfshirë dy furgonë me pasagjerë të shpërthenin në flakë.
Dhjetëra zjarrfikës dhe 22 ambulanca shkuan në vendngjarje, teksa shkaqet e aksidentit janë ende të paqarta. Të plagosurit janë dërguar me urgjencë në spital, shumë prej të cilëve në gjendje të rëndë shëndetësore, çka mund të bëjë që bilanci i viktimave të rëndohet dhe më tej. Mësohet se njerëzit në vendngjarje janë pushtuar nga paniku.
Dymbëdhjetë qytetarë tanë humbën jetën në një aksident me reaksion zinxhir në Hatay, 31 u plagosën, nga të cilët tre në gjendje të rëndë”, shkroi në Tëitter ministri i Shëndetësisë Koca i cili vizitoi vendin e ngjarjes.
/s.f
