Për shkak të problemeve financiare 60 vjeçarja nga Shkodra Minevere Haxhagiq e kishte patur të pamundur që të kryente një ndërhyrje për të rregulluar problemin në këmbën e saj. Tashmë, falë protezës ortopedike falas, 60 vjeçarja ka gjetur shpëtim.
Ministri i Shëndetësisë Ilir Beqaj shkruan:
Protezat ortopedike falas edhe në Shkodër, ja dëshmia
Pacientja, Minevere Haxhagiq, 60-vjeçe, Shkodër
Protezat ortopedike ofrohen tashmë falas për këdo që ka nevojë për to. Minevere Haxhigiqi, është një prej pacienteve që ka marrë këtë shërbim mjekësor në spitalin rajonal të Shkodrës.
60-vjeçarja, kishte 13 vite që vuante por nuk mund ta realizonte këtë ndërhyrje për shkak të mungesës financiare. Tashmë, pasi ndërhyrja përfundoi me sukses të plotë, ajo mund ti rikthehet sërish jetesës normale.
Protezat ortopedike, të përbëra me material “Titanium”, përdoren sot në spitalet më modernë në Europë ndërkohë që ato ndihmojnë pacientin edhe në riaftësimin e tij sa më shpejtë.
Vetëm këtë vit, 1200 pacientë që kanë nevojë për proteza ortopedike në të gjithë Shqipërinë do ti marrin ato tërësisht falas. Dhe jo vetëm kaq, ky shërbim ofrohet sot, me sukses të plotë, në të gjitha spitalet rajonale në vend. Në këtë mënyrë pacientët nuk kanë nevojë më të udhëtojnë drejtë Tiranës por mund ta realizojnë ndërhyrjen pranë vendbanimit të tyre.
Ja si Rilindja po rilind shpresën e njerëzve në nevojë!
