A po shkon PD-ja drejt një përplasje të re me SHBA dhe BE? Zhvillimet në komisionin e posaçëm parlamentarë për Reformën në Drejtësi provojnë se sërish PD-ja ka vendosur të sfidojë komunitetin ndërkombëtarë duke mos votuar në këtë komision projektligjin për vettingun.
Deputetët e opozitës nuk kanë pranuar të votojnë projektligjin në fjalë, duke paraljamëruar një votë kundër ndaj këtij projektligji. Këmbëngulja e PD-së për të votuar amendamentet e saj, ndonëse ishin hedhur poshtë nga ekspertët ndërkombëtarë të EURALIU-s dhe OPDATE, më shumë është vlerësuar si një përpjekje e saj për të frenuar processin e miratimit të projektligjit për vettingun sesa një përpjekje për të refleketuar mbi analizën e bërë nga ekspertët ndërkombëtarë të cilët kishin rrëzuar thuajse të 55 amendamentet e paraqitur nga PD-ja.
Mazhoranca në komision ka miratuar amendamentet e bëra nga ekspertët ndërkombëtarë, duke finalizuar në këtë mënyrë draftin, i cili pritet të miratohet shpejt në Kuvend.
Deklaratat pas mbledhes se Komisionit:
Pandeli Majko, Deputet i PS
Sot ishte një seancë me një diskutim mjaft të rëndësishëm. Në aneksin kushtetues, në procesin e vettingut, kemi pranuar praninë e një pale ndërkombëtare. Ne i kërkuam mirëkuptim opozitës, që të kishte parasysh këtë parim
Sot janë miratuar të gjitha komentet e misionit të EURALIUS dhe OPDAT-it. Cfarë ndodhi? Opozita qëndroi në propozimet e saj. Ishin detaje teknike shpesh të një karakteri shumë teknik, por në fund fare ajo nuk morri pjesë në votim.
Të gjitha vërejtjet që patën ndërkombëtarët, u kaluan me shumicë vote nga ana e shumicës. Unë mund të them sot se ligji është përmirësuar.
Detajet teknike nuk duhen kthyer në detaje politike.
Po punojmë me intensitet dhe mendoj se shumë shpejt, vettingu, do të kalohet.
Oert Bylykbashi, deputet i PD-se
Komisioni ad hoc kishte një projektligj i cili, qartazi PD tregonte problemet që kishte ajo. Ky opinion nuk u reflektua për asnjë moment në projekligjin që u miratua sot në komsion.
Por ajo që qe e rëndë, është se PD, edhe pse propozoi një numër të madh amendamentesh, këto u hodhën poshtë pa asnjë lloj argumenti. Amendamentet që propozuam kishin si qëllim që ky projekligj, të kthehet në binarët e amendamenteve kushtetuese të miratura më 22 korrik. Pa ardhur në këto binare, ky projekligj është antikushtetues. Ne jemi të sigurt se nuk do t’i qëndrojë testit kushtetues.
Do t’i rezervojmë vetes që të marrim hapa të tjerë legjislativë dhe kushtetues. Ajo që mund t’ju themi është se ky ligj devijon rëndë nga kushtetuta.
Ne kemi sjellë 47 amendamente për vetëm një pjesë të ligjit të vettingut.
Me. Ar
