Ka dalë sot para KPK Sokol Binaj, gjyqtar i Apelit për Krime të Rënda.
Hetimi për gjyqtarin është kryer në të tre kriteret e rivlerësimit, pasurinë, aftësitë profesionale dhe pastërtinë e figurës.
ILDKPKI dorëzoi një raport me konstatimin se deklarimi është i saktë dhe në përputhje me ligjin. Nuk ka deklarim të rremë, nuk ka fshehje pasurie, si dhe nuk gjendet në kushtet e konfliktit të interesit.
Komisioni i Pavarur i Kualifikimit kreu një hetim të thelluar në lidhje me pasurit: apartament 62.9 metra katrorë në Tiranë, në bashkëpronësi me vëllain, e blerë në 1993. Vëllai i ka dhuruar pjesën e tij të kësaj banese. Për këtë pasuri konstatohet se përputhet deklarimi me dokumentacionin e administruar. Makinë blerë në 2009 për 12 mijë euro, në bashkëpronësi me bashkëshorten. Për këtë pasuri, nga hetimi ka rezultuar se rezulton se ka burime për blerjen e makinës. Përputhet deklarimi i subjketit me dokumentin e administruar nga KPK. Apartament të dhuruar nga motra në Tiranë.
Ky apartament është 77.97 metra katrorë, pasuri e krijuar pas deklaratës veting. Nga verifikimi rezulton se kjo pasuri është blerë nga motra në 1993 për 23 mijë lekë. Në vitin 2009 motra e subjektit i ka blerë për 2 milionë 730 mijë lekë edhe pjesën tjetër të apartamentit dhe më vonë ia ka dhuruar gjyqtarit.
Në kushtet kur motra e subjektit, bën pjesë te personat e lidhur, subjektit i ka kaluar barra e provës për të vërtetuar shumën e shpenzuar nga motra për blerjen e apartamentit. Për këtë pasuri janë depozituar prova. Apartament ku bashkëshortja figuron bashkëpronare me prindërit në Tiranë. Kjo pasuri është përfituar nga babai i bashkëshortes në vitin 1992. Nga analizimi i të dhënave, duket së kjo pasuri në plotësimin e deklaratës veting ka qenë vetëm në emër të babait të bashkëshortes.
Likuiditetet, rezulton se subjekti dhe bashkëshortja nuk ka deklaruar gjendje likuiditetesh. Evidentohet gjendja e llogarisë bankare në fund të vitit 2008 në vlerën 100 mijë lekë dhe një llogari tjetër e bashkëshortes, të dyja llogari page. Është kryer analiza financiare ne 2007 dhe 2010 dhe ka rezultuar se ka balanc pozitive e fondeve. Gjatë hetimit janë verifikuar mjetet me të cilat ka udhëtuar jashtë vendit, subjketi ka dhënë shpjegime, që do merren parasysh gjatë vendimmarrjes.
DSIK ka dorëzuar një raport me konstatimin se subjekti është i përshtatshëm për vazhdimin e detyrës.
Në lidhje me aftësitë profesionale, KLGJ ka dorëzuar në raport me konstatimin se subjekti ka treguar cilësi të pranueshme në punë. Nuk konstatohen indicie apo element që tregojnë se ka mangësi profesionale./panorama
g.kosovari
