Të paktën jo për 2 institucionet që do bëjnë vetingun ose vlerësimin e së shkuarës, pasurive dhe vendimeve të çdo gjyqtari dhe prokurori. Në draftin alternative të paraqitur në komisionin e Reformës në Drejtësi, PD kërkonte vendet e rezervuara, pra ndarja mes partive politike të përzgjedhjes së njerëzve të drejtësisë, vetëm për Këshillin e Lartë Gjyqësor dhe atë të prokurorisë.
Kusht për vetingun dhe si rrjedhojë tërë reformën, ai u bë vetëm pas takimit të Lulzim Bashës dhe Edi Ramës. Por si do të emërohen njerëzit që do të bëjnë skanerin e drejtësisë?
Sipas mazhorancës komisioni i vlerësimit përbëhet nga katër trupa gjykues të përhershëm me tre anëtarë secili. Anëtarët e tij dhe kolegjit të apelimit ku gjyqtarët e prokurorët do të mund të ankohen nëse nuk u pëlqen vlerësimi që u është bërë, përzgjidhen nga Avokati i Popullit pasi kalojnë filtrin e ndërkombëtarëve.
Brenda 30 ditëve Parlamenti zgjedh me 3/5 e votave listën që avokati dorëzon. Nese këto vota nuk arrihen, në ditën e 35 Presidenti i Republikës, përzgjedh me short anëtarët nga lista. Kjo ishte dhe një prej formulave të demokratëve në draftin alternative përcjellë komisionit të Reformës në Drejtësi.
Varianti i dytë krijonte një komision përzgjedhës pranë Avokatit të Popullit me njerëz nga presidenca, kryeministria dhe ndërkombëtarët.
Brenda 5 muajve ky komision përzgjidhte 2 kandatura për secilin anëtar të institucionit të vetingut. Presidenti, Kuvendi dhe Kryeministri mund të eleminonin emra të caktuar, të cilët mund të eleminojnë emra të caktuar.
Lista finale i dërgohej Kuvendit dhe brenda javës bëhej votimi me 3/5. Nëse votimi dështonte, kryetari i Kuvendit përzgjidhte me short nëse për ndonjë arsye ai nuk mundet, shorti hidhet nga Drejtuesi i Operacionit Ndërkombëtar të Monitorimit. Tashmë kur negociatat politike janë gjithmonë e më intensive, mbetet për t’u parë se cila do të jetë formula e zgjidhjes.
ma.me
