Kryeministri Edi Rama duke sulmuar LSI-në nga Asambleja e PS-së tha se në Agjencinë Kombëtare të Burimeve Natyrore kanë gjetur edhe këngëtar të punësuar.
Por kush është ky këngëtar e ka zbuluar vetë personi në fjalë. Bëhet fjalë për Klajdi Musabelliun, djalin që rrëmbeu zemrat e shumë të rinjve në programin “Ethet e së premtes mbrëma” me zërin e tij karakteristik.
Ai ka reaguar pas deklaratës së Ramës, i cili madje e quajti edhe ‘këngëtar të dështuar’, duke publikuar një foto vite më parë me kryeministrin. Ai shkruan se më mirë këngëtar me dinjitet se të lëpijë mendere.
“Unë këngëtar, gazetar, dhe aktor dublant jam i nderuar koleg piktor. Por më mirë këngëtar dhe me dinjitet, se sa të lëpij mendere në këtë kohë bandash, droge, dhe neokomunizmi që po instalon ti. VFLP i nderuar 😎”, shkruan Musabelliu.
