Për shkak të përshkallëzimit të problemeve territoriale në Gjirin e Piranit, veterani kroat i luftës Petar Janjiq i quajtur Tromblon, i ka dërguar një letër “kërcënuese” kryeministrit të Kroacisë Andreja Plenkoviq në të cilën i ka dhënë afat që problemin me Lubjanën ta zgjidhë brenda 72 orëve, ose në të kundërtën, ka shkruar ai, veteranët do e zgjidhin vetë problemin, transmeton Koha.net. Letra e Janjiqit është publikuar në disa portale djathtiste kroate, përcjell al jazzera.
Janjiq është kërcënuar se nëse Plenkoviq në afatin prej 72 orësh nuk e zgjidh problemin me Slloveninë, do t’i organizojë 100 anije peshkatarësh e veteranësh të luftës të cilët “do ta mbrojnë kufirin detar me Slloveninë nga hyrja ilegale e policisë së huaj në ujërat territoriale kroate“.
Në letrën ultimatum theksohet se nëse kryeministri nuk i përmbush kërkesat e tij, “ai do t’i sigurojë peshkimin e papenguar për peshkatarin kroat nga Istra në mënyrë që të peshkojë i lirë e të ushqejë familjen e vet”. (b.an)
