Ish-nënkryetarja e PD Jozefina Topalli ka reaguar në lidhje me zhvillimin e zgjedhjeve për kryetarin e ri të PD.
Ajo e ka cilësuar procesin një farsë. Sipas Topallit, ky proces vulos marrjen peng të PD nga humbësi më i madh sipas saj. Këtë deklaratë Topalli e dha në studion e emisionit “Kjo Javë” në News 24.
“Dita e sotme do vulosë marrjen peng të PD nga humbësi më i madh. Është një ditë e palumtur fare jo vetëm për forcën time politike, por mbi të gjitha për vendin sepse forcat politike janë për vendin. Ajo që ka ndodhur gjatë ëksaj periudhe jo vetëm është e paprecedentë në historinë e PD, por në të gjtiha forcat poltiike, përfshirë edhe PS.
Ajo tha se Basha “Filloi me shpalljen e vetëngrirjes, nën shembullin e Armando Prengës, proces frigoriferik, antikushtetues”.
Topalli thotë se demokratët e thjeshtë e kanë treguar qëndrimin e tyre ndaj Bashës që në zgjedhjet e 25 qershorit. Sipas saj, është përgjegjësia e Bashës që e çoi PD në këtë situatë. Topalli komentoi edhe mungesën në takimin e grupit anti-Basha.
“Jam në këtë frymë, kam qenë e do të jem. Nuk bie dakord me termin grupi anti-Basha se nuk është e tillë. Janë me mijëra anëtarë të PD, deputetë, ish-drejtues të PD të cilët kanë një thirrje, apel për një analizë. Ka ndodhur një gjë e madhe, një tërmet, nuk mund të bëj sikur nuk e kam parë, apo dëgjuar. Nuk mund të bëj sikur vetëngrirja e kryetarit është diçka normale, është sharlatanizëm. Dhe kjo më pas vijon me shkelje të statutit. Çdo përpjekje për të vendosur në shina statutore, për t’i thirrur ndërgjegjes, në mënyrë që PD të mos mbetet peng i një njeriu që e ka çuar në rezultatin historik më dramatik, është gjëja më normale që mund të mendohet. Unë kam patur një kërkesë për dorëheqje të parevokueshme të Bashës pas humbjes së 25 qershorit. Ata që thonë që mos të japë dorëheqje, nuk e duan PD. Ata që kërkojnë dorëheqjen e njeriut që i futi thikën PD-së, ata e duan PD. Në fakt demokratët e kanë shkarkuar atë më 25 qershor”, tha Topalli.
/a.m.
