Ministri teknik i Punëve të Brendshme Dritan Demiraj këtë të shtunë është gjendur në terren duke monitoruar masat e strukturave të Emergjencave Civile gjatë ndërhyrjes për izolimin dhe shuarjen e zjarrit masiv që ka përfshirë Ibën, në periferi të Tiranës.
Zjarri rrezikon djegien e disa shtëpive, shtyllat e tensionit të lartë dhe pyjeve.
Në disa foto të servirura nga zyra e shtypit në ministrinë e Brendshme, Demiraj shihet teksa është përfshirë edhe vet në aksionin e ndërhyrjes, duke ndihmuar punonjësit e emergjencave në shuarjen e flakëve.
Ministrat teknikë që u vunë në këtë detyrë si garanci për mbarëvajtjen e zgjedhjeve, do të mbajnë këtë post deri në daljen e raportin përfundimtar për zgjedhjet e 25 qershorit në Shqipëri. Por Dritan Demiraj duket se nuk po e pret “këmbëkryq” fundin e misionit të tij, teksa ka vendosur të jetë i angazhuar në detyrë deri në ditën e fundit. /a.m.
