Mbeten zyrtarisht vetëm tre kandidatë në zgjedhjet paraprake të demokratëve për përfaqësuesin e tyre në presidencialet e 2016, pas tërheqjes sot nga gara të ish-guverantorit të Rhode Island, Lincoln Chafee, një kandidat i papërfillshëm sipas sondazheve.
Tashmë mbeten tre kandidatë në garë, Hillary Clinton, që është favorite, senatori i pavarur Bernie Sanders dhe ish-kryebashkiaku i Baltimorës, Martin O’Malley, ky i fundit sipas sondazheve ka pëlqimin e më pak se një për qind të votuesve demokratë.
Ndërkohë që në krahun e republikanëve vazhdojnë të garojnë 15 kandidatë për të përfaqësuar këtë forcë politike në zgjedhjet presidenciale, ku miliarderi Donald Trump jepet si favorit nga sondazhet.
