Ne jemi të vendosur në protestën tone kundër marrëveshjeve me Serbinë dhe asaj për demarkacionin me Malin e Zi, thuhet në Deklaratën e opozitës së bashkuar. Qeveria e Republikës me marrëveshjet në fjalë ka krijuar situatë të jashtëzakonshme. Kuvendi nuk mund të vazhdojë sikur zakonisht, transmeton Koha.net.
Protesta jonë në Kuvend nuk do të ndalet dhe nuk do të lejojmë normalizimin e ‘Zajednicës’ dhe faljen e tokave të Kosovës Malit të Zi.
- Kërkojmë nga Kryesia e Kuvendit që të mos thërras më seancë plenare. Çfarëdo insistimi në këtë drejtim është provokim dhe përshkallëzim i situatës në Republikën e Kosovës.
- Kërkojmë nga Qeveria e Republikës së Kosovës që të merr vendim për tërheqje nga Marrëveshjet me Serbinë dhe atë për demarkacion me Malin e Zi. Vetëm tërheqja nga këto marrëveshje do ta kthejë normalitetin institucional dhe shoqëror në Kosovë.
