Vetëm në Shqipëri: Pompë benzine në breg të detit
Një pompë karburanti është instaluar në breg të detit në Velipojë, e cila merr furnizim nga një depozitë që është “strehuar” në një çadër të vendosur aty pranë. Nga kjo pompë marrin benzinë mjetet lundruese që shërbejnë për të “argëtuar” pushuesit.
I gjithë ky aktivitet zhvillohet në syrin e organeve të policisë, ku sipas bashkëpunëtorit tonë, kanë ardhur dhe janë sjellë sikur s’ka ndodhur gjë.
Madje kanë shkëmbyer dhe kanë ndezur nga një cigare serbes -serbes, pranë depozitës që është “fshehur” si struci në rërën kurative të plazhit të Velipojës.
Laguna e Vilunit është e pasur edhe me faunë të shumëllojshme, ndërkohë që peshqit, si të ujit të ëmbël ashtu dhe të detit rrezikohen nga infiltrimi i karburantit prej furnizimit të bidonëve të mëdhenj nga pompa ilegale. /Tesheshi/