Një 31-vjeçare ka varur vetën pasi “të gjithë miqtë e saj po martoheshin ndërsa ajo jo”. Britanikja me profesion menaxhere, u gjet e vdekur në apartamentin e saj në Manchester në qershor të vitit të kaluar, pas një nate me miqtë e saj.Danielle Saul ishte beqare dhe nuk e kishte marrë ende veten nga një ndarje që kishte përjetuar 5 vite më parë. Për këtë arsye, shoqëria dhe familjarët e saj e dinin në atë periudhë që Danielle ishte e dëshpëruar, ndërsa ndiqte miqtë e saj më të afërt ditën e martesës.
Sipas “Daily Mail”, gjatë mbrëmjes në fjalë, Saul kishte takuar ish-të dashurin e saj, të cilin e ftoi së bashku me miqtë e tij që të vazhdonin festën në apartamentin e saj shkruan shekulli.
Por, edhe kur kjo tentativë e saj dështoi që të ribashkoheshin, mëngjesin e së nesërmes 31-vjeçarja vendosi t’i japë fund jetës.
“Daily Mail” shkruan se trupi i saj u gjet i pajetë tre ditë më pas, nga një shoqe që ishte shqetësuar pasi nuk kishte kontaktuar me të prej ditësh.
