31-vjeçari tashmë i arrestuar për krimin e rëndë ka shfaqur sjellje jo normale përpara hetuesve, të cilët kanë tentuar dy herë ta marrin në pyetje.
Një grup hetimor ka shkuar mbrëmjen e të mërkurës dhe ditën e djeshme në paraburgim, por 31-vjeçari nuk ka mundur t’ju përgjigjet pyetjeve.
Ai nuk i ka kuptuar pyetjet e bërë dhe sipas hetuesve vetëm qeshte duke shfaqur gjendje të pavetëdijshme.
Seanca e pyetjeve nuk ka vijuar më tej, ndërsa i arrestuari pritet të shtrohet sërish në spitalin psikiatrik.
Për ngjarjen e rëndë ka reaguar edhe Policia, e cila thotë se çdo komisariat në vend ka të evidentuar të sëmurët me probleme mendore por, policia është e kufizuar në veprimet e saj.
Sipas ekspertëve, policia përballet vetëm me pasojat e këtyre personave, ndërsa apelojnë që institucionet përkatëse shëndetësore të shmangin burokracitë për trajtimin e tyre. /r.a
