Drejtoresha e Spitalit Rajonal të Fierit ka thënë se u paraqitën 60 persona pas helmimit me spraj në gjimnazin “Janaq Kilica”.
“Ka vazhduar numri tek 50 nxënës. 10 rastet e fundit kanë ardhur më shumë me shenja ankthi. Gjithsej janë 60 persona, 2 mësues dhe 58 nxënës. 14 nxënës i kemi në monitorim. Gjendja shëndetësore e tyre është jashtë rrezikut. Janë marrë të gjitha analizat dhe janë çuar pranë institucioneve përkatëse”, tha mjekja në deklaratën për mediat.
Ndërsa mjeku i Spitalit të Fierit u shpreh se nxënësit u shfaqën me vështirësi në frymëmarrje dhe kollë.
“Me ardhjen e nxënësve u vunë re probleme më rrugët e frymëmarrjes, kollë. Nuk ishin raste të rënda. Ishin raste nën mesatare. Ajo paraqet vështirësi por sipas klinikës mendohet të jetë një lloj lënde që jep acarim të rrugëve të frymëmarrjes pa rrezik për jetën”, tha mjeku.
Ai shtoi se pjesa tjetër e nxënësve do të qëndrojnë në ambientet e spitalit për rreth një ose dy orë të tjera.
/a.r
