Kreu i Partisë Demokratike, Lulzim Basha është takuar me familjen prej 10 anëtarësh të Agimit dhe Fitores. Agimi ka treguar se vetë është invalid për shkak të problemeve me zemrën, ndërsa kushtet ku ata jetojnë janë të mjerueshme.
Basha ka pyetur fëmijët për arsyet pse nuk e frekuentojnë shkollën dhe përgjigja ishte “nga hallet”. Kryedemokrati premtoi se PD e ka gati planin për familjet në nevojë dhe që asnjë bir apo bijë shqiptari të mos mbetet pa shkolluar.
“Familjet me shumë fëmijë duhet të kenë mbështetje të veçantë nga shteti, kudo në botë e kanë. Shteti që nuk kujdeset për fëmijët është si babai i keq, që nuk do t’ia dijë për familjen. Fjala që unë po të jap në shtëpinë tënde është se nuk ka për të ngelur fëmijë shqiptari pa studiuar për shkak të gjendjes ekonomike të prindërve. Shqipëria i ka mundësitë”.
Ato lekë që i marrin një grusht njerëzish, duhet t’i marrin njerëzit në nevojë.”- theksoi Kryetari Basha, i cili i kërkoi familjes me 8 fëmijë në Kamëz dhe familjeve të tjera në pamundësi ekonomike, që të kenë besim.
“Sakrifica e madhe që po bëni si prindër të jeni të sigurtë se do t’ju shpërblehet”- u shpreh kreu i opozitës.
/a.r
