Venezuela ka thënë sot se ka kapur dy mercenarë të Shteteve të Bashkuara që kishin në plan të merrnin peng ose të vrisnin presidentin Nicolas Maduro.
Siç pretendohet, Luke Denman e Airan Berry u kapën duke “luajtur Rambo” teksa tentonin të zbarkonin në një plazh me një grup njerëzish, të dielën më 3 maj.
Duke dhënë lajmin në një konferencë shtypi, presidenti Maduro mbante lart pasaportat amerikane të të kapurve duke lexuar emrat dhe datat e lindjeve të dy burrave.
Ai quajti 34 vjeçarin Denman, 34, dhe 41 vjeçarin Berry, “mercenarë terroristë” dhe shtoi se komploti i tyre ishte urdhëruar nga SHBA, lideri vendas i opozitës Juan Guaido, dhe Kolumbia fqinje.
Presidenti Maduro pretendoi më tej se dy burrat kishin tentuar ta vrasin.
Ai tregoi më tej pajisjet e tyre si syze me shikim për errësirë dhe radio-marrëse.
“Qeveria e Shteteve të Bashkuara është e përfshirë plotësisht dhe tërësisht në këtë tentativë të dështuar. Ata donin të luanin ‘Rambo’, të bëheshin heronj”, tha Maduro duke shtuar se autoritetet e dinin prej kohësh për zbarkimin e tyre të planifikuar bashkë me rreth dymbëdhjetë luftëtarët e armatosur.
Ai shtoi se vendasit e një fshati peshkatarësh pranë vendit, kishin arritur të neutralizonin “mercenarët profesionistë amerikanë”.
Presidenti amerikan Donald Trump ka mbështetur prej kohësh opozitën e Venezuelës në pretendimet se zgjedhjet në Venezuelë ishin të manipuluara, dhe ka njohur Guaido si president.
Autoritetet venezuelane thanë se zbarkimi i pretenduar kishte ndodhur në një plazh të qytetit port La Guaira. Ata thanë se një përplasje me armë ishte zhvilluar në të cilën ishin vrarë tetë mercenarë dhe dy ishin kapur të gjallë, pasi kishin ardhur me barka të shpejta.
Pamjet tregonin një barkë pranë mjeteve të mbrojtjes bregdetare. Forcat e sigurisë thanë se të tjerë sabotatorë sihin arrestuar në disa vendndodhje.
Një nga të kapurit, Goudreau thotë se po punonte me dy amerikanë të tjerë në një mision të quajtur “Operacioni Gideon” dhe tha se ka qenë ushtarak në Irak e Afganistan.
Ai tha: “Misioni kryesor ishte çlirimi i Venezuelës, kapja e Maduros, por misioni në Caracas dështoi.
