Gjyqtarët e kanë humbur besimin te publiku. Kështu kanë deklaruar sot përfaqësuesit e Komisionit të Venecias gjatë një deklarate për shtyp, ndërsa bënë të ditur detajet e para sa i përket opinionit të tyre mbi draftin e ekspertëve të lartë.
Sa i përket shumicës që duhet përdorur në Kuvend për zgjedhjen e figurave kryesore të drejtësisë, përfaqësuesi i Komisionit të Venecias tha se të dyja propozimet me 3/5 (nga mazhoranca) dhe 2/3 (porpozim i opozitës) janë një shumicë në përputhje me standardet evropiane, por kjo nuk është çështja më e rëndësishme.
“Kjo është një reformë e vështirë dhe e cila duhet të sigurojë pavarësinë e gjyqësorit dhe konceptin e llogaridhënies. Edhe raporti i ndërmjtëm që kemi vënë në dispozicion ka shumë faqe jo për faktin se kishte shumë probleme, por sepse tërësia e çështjeve të trajtuara nga ekspertët ishin të larmishme” – tha përfaqësuesi i delegacionit, Tomas Markert.
Sipas tij, Komisioni do të ketë edhe disa komente në raportin përfundimtar që do të lëhojë.
“Ajo çfarë duhet të theksoja është fakti se reforma është në rrugën e duhur dhe më pas për t’u miratuar në Kuvend. Sipas mendimit tonë, miratimi i reformës është në interesin e shqiptarëve dhe nuk duhet parë vetëm si detyrim për integrimi në BE. Ne jemi këtu për t;u siguruar se zgjedhjet që janë bërë nga ekspertët, janë në përputhje me standadet evropiane” – u shpreh ‘Venecia’.
Të pyetur nëse duhet ndërprerë mandati i Prokurorit të Përgjithshëm, juristi i Venecias tha se kjo çështje që do të diskutohet në raportin tonë përfundimtar dhe nuk mund të hapim detaje për momentin
