Një seri biznesesh të vogla do të mbyllin qepenat ditën e nesërme për rreth një orë, në shenjë proteste kundër futjes në skemën e TVSH-së.
Lajmin e ka bërë të ditur kryetari i Shoqatës së Biznesit të Vogël. Albert Nasto deklaroi se nga ora 11:00 deri në mesditë, biznesi i vogël do të mbyllë aktivitetin duke zgjedhur kështu aktin e ngjashëm me mosbindjen civile të përdorur nga opozita.
Deklaratat e Nastos janë bërë gjatë një konference ku të pranishëm ka qenë dhe kryedemokrati Lulzim Basha, i cili është shprehur hapur pro qëndresës së tyre për mospërfshirjen e biznesit të vogël në skemën e TVSH-së. Basha ka deklaruar se shqiptarët nuk mund të lejojnë që një grup grabitësit të vjedhin tokën, nëntokën dhe mbitokën shqiptare./a.m.
