Drejtuesi politik i PS për qarkun e Elbasanit, Arbjan Mazniku ka komentuar për RTSH 24 jo vetëm vendimin e KQZ për votimin e veçantë të votave të emigrantëve në Greqi, por edhe pritshmëritë për fitoren e mbi 9 deputetëve në qarkun që ai drejton.
Mazniku deklaroi se votat e shqiptarëve duhet të numërohen të gjitha dhe nuk kanë pse të ndahen. Ai shtoi kërkesa e PD për numërimin e votave të diasporës në Greqi ndaras nga shtetet e tjera, nuk është tjetër veçse mekanizma për mbrojtje nga alibia e humbjes.
“Votat e emigrantëve në Greqi, vendim për t’u lënë mënjanë.
Unë besoj se votat e shqiptarëve duhet të numërohen të gjitha dhe nuk kanë pse të ndahen. Duhet që të mos bllokojmë procese me presupozime, por me fakte. Nëse ka fakte, ato duhet të prezantohen dhe faktet të shqyrtohen nga autoritetet.
Kemi pasur gjatë gjithë ditës një mori momentesh konflikti që janë bazuar në presupozime që më pas nuk janë vërtetuar asnjëherë. Gjithë dita ka pasur këtë logjikë.
Këto janë pjesë të mekanizmave që kanë nisur para disa ditësh dhe lidhen me alibinë e humbjes, për të bërë pis një proces që edhe pala tjetër e lexon deri diku rezultatin”, u shpreh Mazniku.
Ky i fundit shprehur dhe objektivin e PS-së për sigurimin e 83 karrigeve në Kuvendin e Shqipërisë.
“Rezultati i Elbasanit 78-83. Ky nuk është basti im, por objektivi im. Ne do jemi më afër numrit të dytë se të parit. Elbasani ka nisur numërimin dhe rezultati besoj më mirë se 9”, përfundoi ai.
