Vetëm pak pasi Shkëlzen Berisha sqaroi vendimin e dhënë nga Gjykata në Florida, duke i quajtur gënjeshtra gjithë sa ishin thënë për përgjegjësinë e tij dhe akuzat për cështjen “Gërdeci”, ka reaguar kreu i grupit parlamentar të PS-së, Taulant Balla.
Ishte pikerisht socialisti qe nje dite me pare publikoi dokumentin me te dhena rreth vendimit te gjykates.
Ai tha prerë se vendim i dhënë nga gjykata amerikane është modeli se si drejtësia e re që po lind në vend duhet të hetojë krimin shtetëror që vrau 26 njerez dhe përfitoi financiarisht nga fabrika e vdekjes, për të cilën u gjykuan vetëm peshq të vegjël.
“Vendimi gjykatës së Floridës është model edhe për drejtësinë që po lind në vend, se si duhet të bëhet hetimi për Gërdecin, cdo shqiptar e di fare mirë tashmë që ai është krim shtetëror i organizuar nga kryeministri i asaj kohe dhe njerëz të tij, familjarë dhe jo. Për këdo që di të lexojë një vendim gjykate, drejtësia amerikane konstaton faktin që në vend drejtësia është marrë me peshqit e vegjël dhe nuk u mor kurrë me ata që e organizuan, krijuan dhe përfituan nga fabrika e vdekjes në Gërdec. Ky është model se si duhet rihetuar dhe rigjykuar cështja e Gërcedit. Nëse, ai pretendon se është i pafajshëm të lërë llafet e të jetë i disponueshëm për t’u hetuar. Kush kujton se drejtësia harron e ka shumë gabim”- ka thënë Balla.
/a.rada
