Qeveria ka miratuar në mbledhjen e fundit fondin që është vënë në dispozicion të KQZ-së për zgjedhjet që do të mbahen për kreun e ri të bashkisë së Kolonjës.
Referuar vendimit, KQZ do të financohet me 4.9 milionë lekë për zgjedhjet e pjesshme në Kolonjë.
“Në buxhetin e vitit 2016, miratuar për Komisionin Qendror të Zgjedhjeve, në zërin “Shpenzime korrente”, të shtohet fondi prej 4 907 000 (katër milionë e nëntëqind e shtatë mijë) lekësh, me qëllim organizmin e zgjedhjeve të pjesshme për kryetar të Bashkisë Kolonjë. Efekti financiar i parashikuar në pikën 1, të këtij vendimi, të përballohet nga fondi rezervë i buxhetit të shtetit, miratuar për vitin 2016. Ngarkohen Ministria e Financave dhe Komisioni Qendror i Zgjedhjeve për ndjekjen dhe zbatimin e këtij vendimi”, thuhet në vendimin e qeverisë. Ne zgjedhje janë dy kandidatët, Ilia Stefo i PS-se dhe Arben Malo i opozites. /a.k.
