“Të gjithë vendet anëtare të Bashkimit Evropian do të fillojnë vaksinimin e koronavirusit në të njëjtën ditë”. Kështu tha Presidentja e Komisionit Evropian Ursula von der Leyen, duke folur në seancën plenare të Parlamentit Evropian, së bashku me Presidentin e Këshillit Evropian Charles Michel dhe ministrin gjerman Michael Roth.
Në të njëjtën kohë, ajo shprehu besimin e saj se brenda një jave vaksina e parë kundër Covid-19 do të miratohet në Bashkimin Evropian dhe tha se Komisioni ka arritur të sigurojë dozat e vaksinave çdo qytetar evropian.
Sidoqoftë, Presidentja e Komisionit Evropian theksoi që në mënyrë që vaksina të jetë efektive, 70% e qytetarëve duhet të vaksinohen, që do të thotë se rreziqet do të qëndrojnë për një kohë të gjatë.
“Në total, ne kemi blerë doza më shumë se të mjaftueshme për të gjithë në Evropë. Dhe ne do të jemi në gjendje të mbështesim fqinjët tanë dhe partnerët tanë nëpër botë përmes COVAX në mënyrë që askush të mos mbetet pas“, tha ajo, raportojne mediat e huaja.
Von der Leyen theksoi se vaksina Pfizer / BioNTech ishte vetëm një nga gjashtë kompanit e mundshme për të cilat BE ka siguruar kontrata.
“Më në fund, brenda një jave, vaksina e parë do të autorizohet në mënyrë që vaksinimet të fillojnë menjëherë dhe më shumë do të pasojnë në vitin e ri,” tha Von der Leyen.
g.kosovari
