Vizita e kryeminisrit Rama në Gjermani ku ai u prit nga kancelarja Merkel u pasqyrua gjerësisht edhe nga agjencia prestigjioze “Reuters”. KJo agjenci i kushtoi vëmendje një pjese të deklaratës së Ramës ku ai foli për “forcat e huaja që janë kundër politikës së BE-së pro Ballkanit”.
“Kryeministri i Shqipërisë Edi Rama gjatë konferencës me kancelaren Merkel kritikoi vendet e huaja për ndërhyrje në politikën për shtetet e Ballkanit Perëndimor në një kohë kur është përhapur shqetësimi rreth ndikimit të Rusisë. Rama nuk e përmend me emër Rusinë, por diplomatë nga rajoni janë ankuar prej disa kohësh se Rusia është duke u përpjekur për të rritur ndikimin e saj në vende të tilla si Mali i Zi, Serbia, Maqedonia dhe tani edhe Shqipëria”, vijon më tej agjencia e njohur e lajmeve.
Më tej Reuters shkruan se kreu i shërbimit të brendshëm sekret gjerman ka ngritur shqetësime se Rusia mund të kërkojë për të ndërhyrë në zgjedhjet nacionale të vitit të ardhshëm.
“Rama theksoi se vendi i tij do të vazhdojë të lëvizë drejt anëtarësimit në BE. Gjithashtu duke folur para takimit, Merkel vlerësoi reformat e brendshme politike në Shqipëri, por tha se hapa të mëtejshëm të nevojshme duhet të ndërmerren, si në reformën gjyqësore dhe luftën kundër korrupsionit”, thuhet në shkrimin e “Reuters”.
