Vëllai i Ibrahim Abdeslam, terroristit të vetëvrarë në Paris, dhe Salah Abdeslam, të shumëkërkuarit si një nga autorët e atentateve më 13 nëntor, ka folur për televizionin italian RaiNews 24.
“Siç kam deklaruar edhe më parë, i kërkoj tim vëllai të dorëzohet. Kam dhe kemi shumë shpresë se ai do të dorëzohet, dhe pse ka shumë frikë. Vëllai im nuk ishte i radikalizuar por është manipuluar. Nuk di në c’mënyrë është manipuluar, prandaj dhe kërkojmë që ai të dorëzohet e të përgjigjet për këtë. Nuk kemi parë tek ai asnjë formë radikalizimi. Për ne është manipuluar”.
Përsa i përket informacioneve të shpërndara së fundmi në mediat franceze se Salah Abdeslam ka komunikuar me familjen, vëllai i tij thotë se “Salah nuk na ka kontaktuar e informacionet që qarkullojnë se ai më dërgon mesazhe e ka vendosur lidhje me ne janë informacione që duhet te merren me shumë kujdes para se përhapen nëpër media.”
Në lidhje me vëllain tjetër, i cili hodhi veten në erë, ai thotë “Ibrahimi ishte një person që influencohej shpejt, e për fat të keq nuk mundi të marr vendimin e duhur në minutën e fundit e të ndalonte aktin e tij, gjë që mundi ta bëjë Salahu”.
