Kryebashkiaku Veliaj në një mbledhje me Këshillin Bashkiak, deklaroi se do të zgjidhet një herë e mirë problemi i banesave të pahipotekuara.
Veliaj u shpreh se do të zhbllokohen 30% e banesave të pahipotekuara të cilat nuk pajisen dot me leje përdorimi. Bashkia e Tiranës do të legalizojë 400 pallate pa leje.
“Në Tiranë janë 1375 objekte të pahipotekuara, kryesisht pallate. 30% janë të pahipotekuara pasi nuk pajisen dot me leje përdorimi. Përgjegjësia është e ndërtuesve. Bashkia e Tiranës do të legalizojë 400 pallate pa leje. Ky proces është një revolucion” deklaroi Veliaj
Një tjetër pikë të rendit të ditës për të cilën u shpreh Veliaj është vendimi për rritjen e taksave për ndërtuesit. Kryebashkiaku përshëndeti vendimin e Gjykatës Kushtetuese për mos pezullimin e rritjes së taksës për ndërtuesit. Veliaj u shpreh se kjo taksë do të vazhdojë të jetë në vlerën e 8%.
“Dua të përshëndes vendimin e Gjykatës Kushtetuese që refuzoi të pezulltonte taksën e ndërtimin. Ajo do vazhdojë të këtë të njejtën vlerë, me 8%. Kemi bërë një rritje për milionerët jo për shtresën e varfër”, deklaroi Veliaj.
Veliaj u shpreh gjithashtu se ajri në Tiranë është pastruar në krahasim me një vit më parë. Ajo që duhet vazhduar punuar në këto ritme për të pasur një Tiranë më të pastër.
