“Ata që nuk i duan zgjedhjet kishin drejtimin e Tiranës dikur dhe nuk bënë asgjë. Sepse ata që nuk duan zgjedhjet nuk kanë asgjë për të thënë”.
Kështu është shprehur ditën e sotme kreu i Bashkisë Tiranë ndërsa tha se qytetarët mezi i presin zgjedhjet e 18 qershorit për të dhënë verdiktin e tyre.
Gjatë inaugurimit të shkollës “Luigj Gurakuqi”, Erion Veliaj tha se zgjedhjet do të mbahen më 18 qershor ndërsa qytetarët kërkojnë të dinë ofertën e opozitës. Ai tregoi edhe një histori duke thumbuar opozitëm.
“Takova një gjyshe dje. Nipi i saj me ftoi ta takoja, meqë ajo ishte sëmurë. Dhe teksa po flisnim dhe më përgëzonte për investimet në Tiranë, u ndal tek Pazari i Ri. E më tha sa u gëzova me ndryshimin e Pazarit të Ri. Unë e mbaj mend që kur isha e re, dhe kur u prish për projektin tuaj, u mërzita. Por tani që pashë ndryshimin jam shumë e lumtur. Pastaj puna e Pazarit të Ri është si politika. Ja për shembull, ju thatë që Pazari i Ri do hapej në 14 mars, e po atë ditë u hap. Ca tezga nuk ishin hapur, e as ca dyqane. Por s’ka problem. Nëse nuk mund ta marr domate te ai që kishte zgjedhur mos të hapte tezgën, s’prish punë, se i marr tek tjetri ngjitur. Në 18 qershor secili të vijë te tezga e vet, kush nuk vjen, punë e madhe, ka tezga plot. Por kur s’ke produkte e ofertë, s’ke si del tek tezga”, tregoi Veliaj.
/b.d
