Veliaj prezanton pesë shtyllat e planit urbanistik dhe zgjerimin e parkut me 25 mijë m2

Kryetari i Bashkisë së Tiranës, Erion Veliaj, gjatë fjalës në mbledhjen e Këshillit Bashkiak për miratimin e planit të ri urbanistik, tha se parku i liqenit do të zgjerohet me 25 mijë metra katrorë.
“Po miratojmë Kushtetuten e 15-20 viteve të ardhshme. Kemi zhvilluar tri dëgjesa për planifikimin Urban ku u kemi bërë ftesa të gjithë këshilltarëve e këtë do tua tregoj edhe me fakte. Ka pasur publikime të rregullta në faqen online të bashkise Tiranë për projektin. Sipas planit zgjerojme me 25 mijë metra parkun e Liqenit. Tirana policentrike e vlerësuar nga mbi 80% e qytetarëve. Në janar ftoj këshillin bashkiak të bëjë një xhiro e të shohe kur të nisë shtrimi me pllaka i zgjatimit të bulevardit”, u shpreh Veliaj.
Kreu i bashkisë tha se do të krijohet një brez i gjelbër, ku do të mbillen 2 milionë pemë. Ky plan urbanistik sipas Veliaj parashikon 13 projekte strategjike, i pari Pylli Orbital.
Kryebashkiaku Veliaj renditi 5 shtyllat kryesore të planit urbanistik:
Së pari, plani e trajton densitetin e qytetit në funksion të rritjes së efikasitetit të infrastrukturës, diversitetit të shërbimeve dhe ndryshimit të qasjes ndaj lëvizshmërisë;
Së dyti, ndryshimi i qasjes ndaj mobilitetit dhe lëvizshmërisë së njerëzve dhe mallrave në qytet;
Së treti, rizhvillimi dhe rigjenerimi i qytetit;
Së katërti, ruajtja e territorit bujqësor dhe natyror dhe Pylli Orbital si një kufi i ndërtimit pa kriter;
Së pesti, zhvillimi ekonomik, turistik dhe bujqësor i periferisë
shqiptarja.com/d.i.