Bashkia e Tiranës përmes një shkrese të 23 tetorit të këtij viti ka njoftuar kompaninë ‘Joy Travel’ për prishjen e kontratës. Bëhet fjalë për disa ambiente në stadiumin ‘Selman Stermasi’ që kompania i kishte marrë me qira që në vitin 2004, në kohën kur qeveria drejtohej nga Fatos Nano.
Kompania ‘Joy Travel’, në pronësi të bashkëshortes së ish-kryeministrit, është e detyruar të lirojë ambientet. Kjo pasi sipas Bashkisë ambienti i marrë me qira për të shërbyer si agjenci udhëtimi është përdorur për biznes të formës restorant.
Bëhet fjalë për restorantin ‘Pulëbardha’ i cili ishte pajisur me NIPT sekondar të agjencisë ‘Joy Travel’.
