I shoqëruar nga dy presidentët e klubeve më të rëndësishme të kryeqytetit, kryetari i Bashkisë së Tiranës Erion Veliaj ka njoftuar se është arritur një marrëveshje, që Partizani të luajë në Stadiumin Selman Stermasi. Veliaj ka shtuar gjithashtu se bashkia ka marrë përsipër që të shlyejë borxhet e akumuluara nga ajo në emër të klubit të Tiranës, para viteve 2013. Ndërsa për borxhet e tjera pas këtij vitit, do të kryhet një audit.
“Sot kemi gjetur një marrëveshje për shlyerjen e borxhit që Tirana trashëgoi nga e kaluara që i gjetëm. Me të njëjtin seriozitet që trajtuam borxhet nga e kaluara nga kompanitë e ndryshme, ashtu po trajtojmë edhe cështjen e borxheve të Tiranës. Bashkia do të paguajë me këste të gjitha detyrimet nga 2013, ndërsa më pas do të ketë edhe një audit për kalimin e aksioneve.
Kemi edhe një lajm të mirë për Partizanin. Klubi i Partizanit do të përdorë stadiumin ‘Selman Stërmasi’ për ndeshjet për pjesën e mbetur të sezonit. Është më mirë që ato para që Partizani i paguan për stadiumet e tjera t’i paguaj për klubin e Tiranës.”- tha Veliaj.
