Bashkia e Tiranës ka nënshkruar kontratën e bashkëpunimit me USAID për modernizimin dhe përmirësimin e shërbimit të Ujësjellësit. Në fjalën e tij, kryebashkiaku Erion Veliaj kërkoi ndjesë për mungesën e bashkëpunimit me qyetarët më parë, pavarësisht se cili ka qenë drejtuesi. Ndërkohë, ai bëri të ditur se javën e ardhshme do të nisë heqja e depozitave nga tarracat.
“Nga java tjetër çmontojmë depozitat, sepse janë një burim infeksionesh dhe besoj që, veç estetikës, është rrezik për kryeqytetin. Do ta nisim nga disa zona të caktuara.”
Këte e tutje, të gjitha taksat e Bashkisë do të përfshihen në një faturë të vetme duke bërë kështu transparencë për pagesat e qytetarëve
“Kushdo që merr faturën e ujit ka në brendësi çdo gjë faturë takse, prone e të gjitha taksat që përmban ai. Pikë kthese në sistemin e ujësjellësit. Ju kërkoj ndjesë për mungesën e bashkëpunimit që keni patur me Bashkinë. Jemi seriozë me kompanitë publike. Kompania për të cilën flasim sot jemi aksioner të gjithë. Kemi patur një kompani me 60 milionë euro borxhe sa dyfishi i borxheve që gjetëm në bashki. Kompania është mjaft serioze. Duhet të rikuperojmë kohën e humbur”, tha Veliaj.
Kryebashkiaku Veliaj njoftoi gjithashtu nisjen e aksionit kundër përdorimit të ujit të pijshëm nga lavazhet në Tiranë.
“Jemi i vetmi qytet që i lan makinat me ujë të pijshëm. Kjo është e ndaluar me ligj, por do të ndalohet edhe me maliq”- deklaroi Veliaj.
